“Фенька” пабыла ў “Муравейнику”. Засталася задаволеная.

Калектыў Беларускага тэатра “Лялька” прыняў удзел у XII Міжнародным фестывалі тэатраў лялек “Муравейник”. Жыхары горада Іванава, як і госці фестывалю, прыхільна прынялі эксцэнтрычную “Феньку” Леаніда Панцялеева ў пастаноўцы Міхася Клімчука.

Артысты Яўген Гусеў, Марыя Кавалёва і Сяргей Талкач, як заўсёды, здолелі пераканаць гледачоў, што ніколі не позна спраўдзіць сваю запаветную мару. Галоўнае — не палохацца зменаў і не трымаць вокны шчыльна зачыненымі.