Па выніках працы за 2017 год Беларускі тэатр “Лялька” занесены на дошку Гонару горада Віцебска.
Цырымонія ўшанавання самых паспяховых калектываў вобласці і горада прайшла 28 красавіка ў скверы каля плошчы Леніна.
Дырэктар тэатра Аляксандр Грыгор’еў атрымаў грамату з рук старшыні Віцебскага гарадскога выканаўчага камітэта Віктара Нікалайкіна.
А пасля гэтага эпатажныя “Брэменскія музыкі” разам з усімі Разбойнікамі і самой Атаманшай прынялі ўдзел у традыцыйным веснавым канцэрце на сцэне Віцебскай абласной філармоніі.
