Міхась Клімчук

У 2009 годзе закончыў Беларускую дзяржаўную акадэмію мастацтваў. У тэатры працаваў як артыст з 2009 года.

На VII Міжнародным фестывалі тэатраў лялек “Белгародская забава” ў г.Белгарад (Расія) быў адзначаны як лепшы акцёр за выкананне ролі Коўрына ў спектаклі “Чорны манах” паводле аповесці А.Чэхава.

У 2015 годзе дэбютаваў у якасці рэжысёра-пастаноўшчыка тэатральна-цыркавой фантазіі "Горад клоўна Піка" (Міхаіл Барценеў).

У 2016 годзе паспяхова завяршыў навучанне ў Санкт-Пецярбургскай дзяржаўнай акадэміі тэатральнага мастацтва па спецыяльнасці «рэжысёр тэатра лялек».

Пастаноўкі:

“Горад клоўна Піка”, тэатральна-цыркавая фантазія на 2 дзеі  паводле твораў Міхаіла Барценева, 2015 г.;

“Фенька”, неверагодная гісторыя на 2 дзеі паводле апавядання Леаніда Панцялеева, 2017 г.;

“Казкі пра казку”, імправізацыя на 2 дзеі паводле твораў Ганны Сілівончык, 2018 г.;

“Лялькі Ціма Талера, або Прададзены смех”, містычная гісторыя на 2 дзеі паводле твора Дж.Круса, 2019 г.

Пастаноўкі М.Клімчука неаднаразова прымалі ўдзел у міжнародных фестывалях тэатраў лялек у Беларусі і Расіі.

Узнагароды акцёра:

2014 г. грамата Віцебскага аблвыканкама.

2015 г. Дыплом VII Міжнароднага фестывалю тэатраў лялек «Белгародская забава» за лепшую акцёрскую работу за выкананне ролі Коўрына ў спектаклі "Спакуса".

2016 г. падзяка Міністра культуры РБ.

2018 г. грамата Міністэрства культуры РБ.

2021 г. ганаровая грамата Віцебскага гарвыканкама.