Казкі пра казку

Сумесная творчасць Белых і Навальнічных нараджае цэлы шэраг неверагодных гісторый. Відовішчных, займальных і павучальных, як галоўная казка, героямі якой мы з’яўляемся. Як Жыццё.

Чытаць далей
МНС: 101

Мой Надзейны Сябра: 101

Дарослыя, не пакідайце дзетак без нагляду! Дзеці, не гуляйце з агнём! Іначай… Карацей, атрымаецца, як у нашай гісторыі: аднойчы раніцай дзяўчынка Даша падманула бацькоў і не пайшла ў школу. І пачала вельмі-вельмі небяспечную гульню…

Чытаць далей

Фенька

Калі забываюцца дзіцячыя жаданні, а жыццё робіцца нецікавым — уратаваць можа толькі яна. Фенька. Неверагодная дзяўчынка, якая лёгка і спрытна стварае праблемы. Але падчас вырашэння гэтых праблем чалавек можа здзейсніць колішнюю мару і зрабіцца выдатным пісьменнікам.

Чытаць далей

Вясёлы Дарафей

На ўзлеску, прыгожым, як узорыстая выцінанка, дзяўчынка Алёнка пасвіць сімпатычнае гусяня — вясёлага Дарафея. Толькі пасвіць не дужа ўважліва. Так што зручным момантам карыстаецца хітрая Лісіца. А далей ужо клопату хопіць усім: і Алёнцы, і Вожыку, і гледачам…

Чытаць далей

Горад клоўна Піка

Цырк згарэў. Што засталося ў клоўна Піка? Талент і фантазія. Значыць, адшукаюцца і сябры-аднадумцы, і сродкі, і сілы, каб пабудаваць не проста новы цырк, а цэлы горад. Горад, дзе кожны знойдзе любімую справу, пераадолее свае заганы з няўдачамі і зробіцца шчаслівым.

Чытаць далей

Ямелева шчасце

У гэтай пастаноўцы арганічна перапляліся сюжэты чатырох рускіх народных казак: ”Ямеля”, “Па шчупаковаму казанню”, “Царэўна Несмяяна”, “Танцавальны гармонік”. Спектакль насычаны трапнымі жартамі, ухваляе такія якасці, як дабрыня, чалавечнасць, кемлівасць.

Чытаць далей

Папялушка, або Крышталёвыя чаравічкі

Ці зможа Папялушка ператварыцца ў Прынцэсу? Вядома, калі будзе працавітай, шчырай, добрай і паслухмянай. Ну і калі хросная-Фея своечасова выправіць яе на баль, папярэдне зрабіўшы карэту з гарбуза, а коней — з шэрых мышак…

Чытаць далей

Брэменскія музыкі

Запрашаем гледачоў на цыркавое прадстаўленне! Сабака круціць трайное сальта, Асёл жангліруе вялізнай гірай, Певень танцуе на дроце. А Чорны Кот паказвае свае дзівосныя фокусы. Перад вамі – знакамітыя Брэменскія музыкі.

Чытаць далей

Сунічкі для Веліканачкі

Велікан шукае чароўныя ягады, каб уратаваць хворую дачушку. Але палянка з лекавымі суніцамі належыць Гному, які не збіраецца дзяліцца імі задарма… Забраць іх сілай? Ці трымаць слова гонару, нават калі татава сумленнасць можа загубіць Веліканачку?

Чытаць далей

Жыў-быў Заяц

Была ў Лісіцы хатка ледзяная, а ў Зайца лубяная. Вясной ледзяная растала, і рыжая шкодніца выгнала вушастага з пабудаванага ім жытла. Ну а потым з’явіўся смелы Певень і ўзнавіў справядлівасць… Усе ведаюць гэтую немудрагелістую казку для самых маленькіх, але тыя, хто прыйшоў на спектакль, змогуць пабачыць яе зусім па-новаму.

Чытаць далей

Умка

Далёка-далёка на Поўначы ў вастраверхіх чумах жывуць людзі, якія па некалькі месяцаў не бачаць сонца. Доўгай зімовай ноччу яны распавядаюць адно аднаму сумныя і вясёлыя гісторыі.

Чытаць далей

Воўк і раз, два, тры…

У якім творы Воўк хацеў пажывіцца трымя вясёлымі персанажамі? Кім былі гэтыя браты? Ну, канечне, парсючкамі! А паўстае гэтая гісторыя перад гледачом у апавяданні артыстаў кабарэ. Што такое кабарэ? Гэта месца, дзе нарадзіўся жанр эстрады.

Чытаць далей

Дзед і Жораў

На поле старога селяніна стаў прылятаць Жораў і таптаць гарох. Дзед злавіў птушку, але не пакараў, бо пашкадаваў яе. Так пачалося іх сяброўства. За сваю дабрыню дзед быў шчодра ўзнагароджаны спагадай незвычайнага Жорава і падарункамі, якія зрабілі шчаслівым не толькі старога, але і ўсіх вяскоўцаў. Але што рабіць са злымі людзьмі, сквапнымі да чужога?

Чытаць далей

Асцярожна, Соня!

Гэта вясёлая гісторыя пра маленькае шчанятка – Соню. Аднойчы яе гаспадар Іван Іванавіч сышоў на працу, а Соню пакінуў у хаце за гаспадыню. Вось тут і пачаліся сапраўдныя прыгоды. Соні ўсё цікава: чаму кактус калючы, які ток жыве ў разетцы, чаму ў кране няма рыбак, калі вада цячэ з ракі? Хто ведае, куды б Соню прывяла цікаўнасць, калі б ў зале не было дзяцей.

Чытаць далей

Касмічная казка

Як часта мы марым пра штосьці далёкае і недасягальнае. А самае лепшае аказваецца побач. Мы проста не можам або не хочам заўважаць гэта.
Маленькі барсучок Цік-Так аднойчы пачуў голас з далёкай планеты. І, не раздумваючы доўга, паляцеў на касмалёце ў далёкі небакрай, пакінуўшы сумаваць свайго сябра Цік-Ціка аднаго.

Чытаць далей

Дапытлівы слонік

А вы ведаеце, чаму ў слана такі вялікі нос? Выпраўляйцеся разам з англійскімі падарожнікамі выправіцца ў Афрыку і на свае вочы паглядзіце, як гэта атрымалася? У дарогу!

Чытаць далей

Яшчэ раз пра Чырвоную Шапачку

Ужо сама назва спектакля сведчыць пра тое, што сюжэт яго будзе адрознівацца ад традыцыйнага, напісанага французскім казачнікам. Кажуць, Шарль Перо пісаў свой твор у той час, калі ў Францыі сапраўды існаваў небяспечны і жахлівы Воўк — людаед. Казка са шчаслівым фіналам павінна была супакоіць дзяцей, пазбавіць іх страху.

Чытаць далей

Бука

Маленькі Зайка раскапрызіўся, ні з кім не сябруе, не жадае размаўляць. Усе лялькі з тэатра ўцяклі праз яго! Што рабіць артыстам? Як не сарваць спектакль? Калі дзеці ўжо ў зале і з нецярпеннем чакаюць пачатку. Вядома ж – трэба гуляць! Каб падчас вясёлай, павучальнай, часам нават страшнаватай гульні, Бука зразумеў, што сябры — найважнейшае, што ёсць у кожнага. Іх трэба берагчы і нельга крыўдзіць.

Чытаць далей

Адважныя браты

Маленькі глядач разам з адважным Паляўнічым здзяйсняе цікавае падарожжа ў лес. Там жывуць Мядзведзь, Ліса, Рысь, Пугач, Вожыкі і маленькія Зайчаняты. Менавіта яны аднойчы вырашаюць стаць смелымі і нікога не баяцца. А артысты прапануюць дзецям паразважаць, хто ж можа быць смелым: той, хто мае страшныя кіпцюры ды зубы, або для гэтага патрэбна нешта іншае?

Чытаць далей

Цудоўная скрыня з зялёным гарошкам

Вы ніколі не гасцявалі ў дзядулі Пэтсана? Завітайце — не пашкадуеце. Дзядуля — вынаходнік, а значыць — чараўнік. Абаранкі да ранішняй кавы ён не набывае ў сумнай краме, а гатуе з дапамогай вясёлага канвеера. Балбатлівыя куры нясуць для яго смачныя і карысныя яйкі, а вольны час прысвячаецца працы над Галоўным вынаходніцтвам.

Чытаць далей

Аладзін

Старонкі чароўнай казкі разгортвае для вас таямнічы Усход. Шумлівы кірмаш пад пякучым паўдзённым сонцам змяняецца на ціхую засень у садзе султана, зберагаемую маўклівымі ахоўнікамі. Падземная вязніца з тоўстымі кратамі — на сляпучы бляск каштоўнасцяў. Злыя героі — хцівыя, жорсткія, вынаходлівыя ў сваёй падступнасці. Добрыя — прыгожыя, вясёлыя і яшчэ больш вынаходлівыя.

Чытаць далей

Цар Ірад

Запальваюцца свечкі — і музейны экспанат ажывае. Гучаць неўміручыя галасы герояў адвечнай драмы, а ў галасах тых — і замілаванне, і страх, і боль, і нянавісць, і вера ў найвышэйшую справядлівасць. У народнай драме Дабро і Зло жывуць на розных паверхах ды змагаюцца зацята і бескампрамісна. А светлы Анёл са званочкам не стамляецца нагадваць: «Чалавеча бедны! Не правазнасіся!»

Чытаць далей

Церам-церамок

“Церам-церамок” — адзін са спектакляў, з якіх мае сэнс пачынаць знаёмства маленькага гледача з “Лялькай”. Менавіта на сцэне нашага тэатра героі вядомай казкі загаварылі і заспявалі на беларускай мове. Апякуюцца ж звяркамі Добры Дзед і Злы Дзед. Чые ўлюбёнцы перамогуць?

Чытаць далей

Тук-тук! Хто там?

У спектаклі “Тук-тук! Хто там?” вам выпадзе сустрэцца з даўно вядомымі героямі казкі “Воўк і сямёра казлянят”: Казой, казлянятамі і Ваўком. Аднак жартаўлівая пастаноўка моцна адрозніваецца ад гісторыі, якую гледачы добра ведаюць. Таму што трапляюць яны… на рэпетыцыю, дзе артыстам даводзіцца вынаходліва імправізаваць у самых нечаканых сітуацыях.

Чытаць далей

Сонейка і снежныя чалавечкі

Гэтая гісторыя пра двух маленькіх снегавікоў. Іх зляпілі ў заснежаным парку маладыя людзі. Снегавікі ажываюць і выпраўляюцца ў госці да сонейка — папрасіць, каб яно не прыходзіла, дало маленькім снежным чалавечкам пажыць даўжэй. Але па дарозе да сонейка снегавікам увесь час сустракаюцца лясныя жыхары. Адзін замарозіў лапкі, другі — памірае з голаду, трэці ніяк не можа заснуць з-за халадэчы.

Чытаць далей

Прынцэса і Свінапас

У небагатым прыгожым каралеўстве жыве малады Прынц. Для поўнага шчасця яму не хапае толькі каханай жонкі. Многія прынцэсы не адмовіліся б ад такой долі, ды яму патрэбна толькі дачка самога Імператара. Прынц нясе прыгажуні самае дарагое — чароўную Ружу і Салаўя. Але Прынцэса прывыкла да іншых падарункаў…

Чытаць далей

Піліпка і Ведзьма

Жылі-былі дзед і баба ды не было ў іх дзяцей. Даведзены да адчаю дзед выразае драўлянага «сынка» і — во дзіва! — той ажывае. Вось тут і з’яўляецца Ведзьма, якая хоча перашкодзіць агульнаму шчасцю.

Чытаць далей

Марозка

Бесхарактарны дзед, злая мачаха, гультайка Паша і працаўніца Даша, справядлівы Марозка… Хто іх не ведае? Казка з падобнымі героямі і сюжэтам прысутнічае ў фальклорнай традыцыі многіх народаў.

Чытаць далей

Кветачка-вясёлка

У невялікім горадзе, у самым звычайным двары жыла звычайная дзяўчынка Жэня. І вось аднойчы ў яе з’явілася магчымасць ажыццявіць свае запаветныя жаданні.

Чытаць далей