Міжнародны дзень лялечніка
Пра абставіны, што спадарожнічаюць сённяшняму святу, нагадвала абавязковая дэзінфекцыя рук ад пані Дзінь.
Агульны ж настрой у “Ляльцы” быў пазітыўны.
Юныя гледачы з задавальненнем удзельнічалі ў майстар-класах ад Наталлі Гайдук, Юрыя Франкова, Дар’і і Валерыя Зімніцкіх.
У танцавальнай праграме рэй вялі Дзінь (Вольга Маханькова) і Дон (Аляксей Макарскі).
Як належыць, на свяце былі і загадкі, і сюрпрызы, і нават пачастункі.
Ну а інтэрактыўны спектакль “Вясёлы Дарафей” прайшоў з непадробным энтузіязмам — як артыстаў, так і гледачоў.