Мы любім сустракаць вас у нашым утульным віцебскім доме, але нашы лялькі сапраўдныя вандроўнікі! Мы лічым, што кожнае дзіця і кожны дарослы ў любым кутку Беларусі заслугоўвае сваю порцыю шчасця. Таму нашая гастрольная карта расце з кожным тыднем!
Кожны выезд даруе неверагодныя прыгоды. Толькі за апошнія дні мы паспелі:
- падарыць усмешкі ў Полацку і Оршы;
- завітаць з казкай у Бешанковічы;
- і (асаблівая гордасць!) нашыя дарагія артысты сталі вядучымі на ўрачыстым адкрыцці акцыі “Культурная сталіца Беларусі-2026“ у Паставах! Такая адказная роля – вялікі гонар і прызнанне прафесіяналізму нашага калектыву.
Глядачы, рыхтуйцеся! Магчыма, ужо заўтра наш казачны фургон спыніцца менавіта ў вашым горадзе. Сачыце за афішай!
А калі вельмі засумавалі, прыязджайце ў Віцебск. Мы заўсёды чакаем вас у госці з адкрытым сэрцам і добрым настроем!
